सापुतारा सहल , बॅग भरणे व नवरा-बायकोतील संवाद

*अशा रीतीने आमची सापुतारा सहलीची खरेदी पार पडली !* 😜😜

-------------------------------

*सापुतारा सहल , बॅग भरणे व नवरा-बायकोतील संवाद !* 😀😀

( काही सत्य तर काही काल्पनिक संवाद )

--------------------------------

*नवरा :-* सापुतार्याला जाण्यासाठीची माझी बॅग भरून झाली , तू केंव्हा भरणार ? 

*बायको :-* त्यात काय डोंबलं भरणार ?

*नवरा :-* म्हणजे ?

*बायको :-* तुम्ही बॅग मध्ये काय काय भरलं ?

*नवरा :-* चिखलदर्याच्या वेळेस नेलेल्या 2 पॅन्ट आणि 2 T-shirts !

*बायको :-* पुन्हा तेच ? तोच लाल आणि पिवळा T-Shirt का ?

*नवरा :-* हो , तेच !

*बायको :-* कमाल आहे तुमची ..........., 

तसं जमत नसतं , नवीन घ्यावे लागतील !

*नवरा :-* अग पण ते कपडे चांगलेच आहेत , कुठेच फाटले नाहीत !

*बायको :-* समजा ते फाटलेच नाहीत , तर काय आयुष्यभर याच कपड्यावर ट्रिप करणार का ? 

*नवरा :-* काय बोलणार ? 

मी .... निरुत्तर  !!

म्हणजे याचा अर्थ तू सुद्धा नवीन ड्रेस घेणार आहेस का ? 

*बायको :-* हं मग , हे काय विचारणं झालं ?

*नवरा :-* पण मला वाटतं याची काहीच गरज नाही !

*बायको :-* गरज नाही हे मला ही पटतं , पण मार्केटचा  काही विचार करणार का नाही ? 

*नवरा :-* म्हणजे ?

( मी तर उडालोच )

*बायको :-* तुमच्याकडे पैसे नाहीत का ? 

*नवरा :-* पैसे आहेत , पण नव्या कपड्यांची गरज नाही  !

*बायको :-* या तुमच्या अशा विचारसरणी मुळेच आपल्या देशात मंदी आली आहे , रेसेशन आलं आहे ?

आज लोकांच्या घरात / व्यापाऱ्याच्या घरात दिवाळी साजरी होऊ शकत नाही , याला तुमच्या सारखी *भंगार* विचारसरणी कारणीभूत आहे !

*नवरा :-* 

अग बाई मी काय गेलं ? 

देशात मंदी येण्याचं खापर तू माझ्या डोक्यावर का फोडतेस ? 

*बायको :-* 

अहो पैसे असूनही ते खर्च न करणे हा गुन्हा नाही का ? 

मला एकच्या ऐवजी दोन ड्रेस घेतले , पाडव्याची ओवाळणी म्हणून दोन साड्या घेतल्या तर .......

1) कारखानदार 

2) साडी विक्रेता 

3) सेल्समन 

4) फॉल पिको वाला 

5) ब्लाउज शिवणारा टेलर 

6) ड्रायक्लिन वाला 

7) इस्त्रीवाला .........या सर्वांना 4 पैसे मिळतील का नाही ?

8) म्हणून आपण हॉटेलिंग 

9) पर्यटन 

10) नाटक , चित्रपट 

11) आदी प्रकारची हौसमौज केली पाहिजे 

........माझ्या समाधानासाठी नाही , *मार्केट मधली मंदी घालवण्यासाठी !*

*नवरा :-* मी काही बोलणार , एवढ्यात तीच पुन्हा म्हणाली .....

*बायको :-*

हे पहा मला नवे कपडे घालून मिरवायची अजिबात हौस नाही ....

आणि माझ्या पार्लर मध्ये  जाण्यावरही सारखी टीका करता त्याचं ही उत्तर आज ऐकून घ्या ......

फेशियल करून , मसाज करून , स्टीम घेऊन कुणी सुंदर दिसत नसतं , हे काय मला कळत नाही का ? 

मी स्वतः सुंदर दिसावे म्हणून *ब्युटीपार्लर* मध्ये जात नाही ...माझ्याकडचे चार पैसे मिळवल्या मुळे पार्लरवाली बाई खुश होते , तिचा चेहरा उजळतो , आणि ती अधिक सुंदर दिसते .....

*म्हणून मी पार्लर मध्ये जाते !*😜😜

*मला काहीच न बोलू देता बायकोच पुढे म्हणाली :-*

आता कळालं का मी एवढी सुंदर का दिसते ते !

अहो ज्या बाईचे एवढे सुंदर विचार आहेत , ती बाई कुरूप दिसेलच कशी ?

*नवरा :-* 

मी आश्चर्य चकित होऊन तिच्याकडे पहात होतो एवढ्यात ती म्हणाली .....

*बायको :-*

जगाच्या कल्याणा संतांच्या विभूती , पैसे उधळती परोपकारे ......!

*नवरा :-*

अग ते तसं नाही .....

जगाच्या कल्याणा संतांच्या विभूती 

देह कष्टविती परोपकारे .....

*बायको :-*

मला वाटलंच तुम्ही अजून माझी चूक कशी काढली नाही ते ? 

तुम्हा नवरे मंडळीला न , फक्त बायकांच्या चुका काढण्यातच धन्यता वाटते !

अहो .....

जगाच्या कल्याणा संतांच्या विभूती , 

पैसे उधळती परोपकार 

याचा मतितार्थ ...लक्षात घ्या ....

कष्ट केल्या शिवाय पैसे मिळतील का ? 

*नवरा :-*

बायकोचे विचार ऐकून मी सुन्न झालो , देशात आलेल्या मंदीला " मीच कारणीभूत आहे " याचा मला साक्षात्कार झाला .... आणि आम्ही खरेदीला बाहेर पडलो !

*बायको :-*

सगळ्या मार्केट मध्ये बायको अर्थतज्ज्ञ असल्या सारखी चालत होती आणि मी खरेदीच्या बॅगा बोकांडीवर घेऊन ....निमूटपणे तिच्या मागे मागे चालत होतो ! 😄

*शेवटी ती मला एवढंच म्हणाली ........*

*कविराज ......*

*" कविता लिहीणं वेगळं आणि कविता जगणं वेगळं "*

*अशा रीतीने आमची सापुतारा सहलीची खरेदी पार पडली , आणि माझ्या मनात विचार आला " आपल्या बायकोला अर्थ क्षेत्रातलं नोबेल प्राईज द्यायला काय हरकत आहे !*

😄😄😄🙏🙏🙏🙏

*प्रा.विजय पोहनेरकर*

*9420929389*

*औरंगाबाद , 30/10/2019.*