नव्या आशांंनी.....
नव्या आकांक्षांनी.....
नव्या उत्साहाने....
बहरु द्यावा जीवनवेल...
नव्या स्वप्नांमुळे फुटावी
जीर्ण वृक्षासही पालवी
सुखाची नदी वहावी
बहरु द्यावा जीवनवेल....
दुःख पडावे मागे
सुखाचे रेशीम धागे
जोडावेत भक्कम असे,अन्
बहरु द्यावा जीवनवेल...
झाले गेले विसरुनी सारे
संकटांसही जावे सामोरे
प्रेमाची व्हावी बरसात
बहरु द्यावा जीवनवेल....
कोण आपला,कोण परका...
भेदाभेद नको,नको भ्रम अन् शंका
सर्वांना, जीवनी घेवुया सामावुनी
बहरु द्यावा जीवनवेल....
आयुष्य हे भरभर सरेल
प्रेमच जगती नित्य उरेल
क्षण-क्षण,आनंदात जगावे
बहरु द्यावा जीवनवेल.....
क्षणभंगुर आहे,आयुष्य सर्वांचे
मोल जाणावे....क्षणा-क्षणांचे
स्वप्ने सत्यात उतरवावीत....
बहरु द्यावा जीवनवेल....
No comments:
Post a Comment