पार्टी नकोय मित्रा तुझी
येवून फक्त भेटत जा,
काय चाललंय मनात तुझ्या
भेटून फक्त बोलत जा,
🙏🙏
मोकळं सोड स्वतःला जरा
कधीतरी मोकळं होत जा,
हलकं वाटेल तुझंच तुला
मन रिकामं करत जा,
🙏🙏
जुन्या आठवणी गप्पागोष्टी
आमच्यात सुद्धा रमत जा,
आलेच कधी वाईट विचार
बिनधास्त फोन करत जा,
🙏🙏
काय आहे आयुष्य अजून
निदान मनातले वाटत जा,
पहा किती फरक पडतो
आनंद तेव्हढा लुटत जा,
🙏🙏
पन्नाशीला आलोय आपण
संपर्कात तेव्हडं रहात जा,
काय हवं काय नको तुला
कुणाला तरी सांगत जा,
🙏🙏
मित्र असतात कशासाठी
मैत्री तेव्हढीच जपत जा,
आम्ही फक्त मस्त जगतो
तसाच मस्त जगत जा,
🙏🙏
पैसा नाही लागत त्याला
मनातले मात्र सांगत जा,
पार्टी नकोय मित्रा तुझी
येवून फक्त भेटत जा,
No comments:
Post a Comment